498 Dagsens auga sloknar ut

  


1. Dagsens auga sloknar ut, 
kveldsol ned i vester glader. 
Skuggen stig frå dal til nut, 
mørkret sigrar alle stader. 
Jesus, hjartans sol og skatt, 
Jesus, ver mitt ljos i natt! 

2. Kvar ei kveldstund når eg fer 
etter dagsens strid til kvila, 
ver meg med din nåde nær, 
lat di åsyn til meg smila! 
Lat du mildt mitt auga att! 
Jesus, ver mitt ljos i natt! 

3. Lys du over meg din fred, 
Jesus, ver mi sol og stjerna! 
Livssol, som går aldri ned, 
meg mot mørkers hugskot verna! 
Stjerna, over huset statt! 
Jesus, ver mitt ljos i natt! 

4. Når mi livssol sig i hav, 
og eg under mold skal sova, 
lys meg då igjennom grav! 
Så eg skal i ljos deg lova. 
Du som mørkers makter batt, 
Jesus, lys i daudens natt!  

Text: Elias Blix (NoS 822)